Të gjithë ne stresohemi ndonjëherë — e njëjta gjë ndodh edhe me flokët tanë. Nga stilimi me nxehtësi dhe trajtimet kimike, e deri te ndotësit e mjedisit, flokët tanë të ndjeshëm kalojnë përmes shumë sprovave dhe, po të mos tregojmë kujdes, kjo mund të çojë në dëmtimin e tyre.
Kur janë të stresuar ose të dëmtuar, flokëve u mungojnë shenjat klasike të shëndetit — shkëlqimi, trupi dhe elasticiteti. Bëhen më të vështirë për t'u menaxhuar dhe më të prirur ndaj elektrizimit e këputjes. Për më tepër, ngjyra nuk duket më aq e gjallë. Por gjërat nuk kanë pse të mbeten kështu.
Për fat të mirë, ekzistojnë me bollëk produkte për riparimin e flokëve që ju ndihmojnë t'i riktheni ato në bukurinë e tyre natyrale — siç është linja MELU/ nga Essential Haircare — si dhe produkte e zakone që do t'ju ndihmojnë t'i mbroni ato në të ardhmen. Ja se si ta ndërtoni setin tuaj personal të shpëtimit.
Rëndësia e pastrimit të butë
Hapi i parë drejt rigjenerimit është një pastrim i mirë për të larguar nga flokët mbetjet e produkteve, papastërtitë dhe ndotësit e mjedisit. Zgjidhni një formulë të butë, me pH të ulët, e cila i pastron flokët e ndjeshëm pa i tharë apo zhveshur nga yndyrat natyrale. Gjithashtu, mund t'ju nevojitet një produkt hidratues që ndihmon flokët e dëmtuar që janë bërë të thatë dhe të prirur ndaj këputjes.
Shampoja Essential Haircare MELU/ është një shampo e dedikuar kundër këputjes së flokëve, e formuluar për të pasuruar dhe përforcuar fijen e flokut si dhe për të përmirësuar elasticitetin e saj, duke i lënë flokët dukshëm më të butë, më të lëmuar dhe më me shumë shkëlqim, pa i rënduar ato.
Përbërësi i saj aktiv, i certifikuar nga Regenerative Organic Certified™ — ekstrakti i thirrës së zezë (bizeles së zezë) nga ferma e Z. Gabriele Colla në Parma të Italisë — ofron dy benefite kryesore: polisakaridet krijojnë një shtresë mbrojtëse që ndihmon në parandalimin e këputjes, ndërsa antioksidantët ruajnë fortësinë dhe strukturën e flokut.
Balsamet dhe maskat riparuese me veprim intensiv
Pasi flokët të jenë të pastër, rritni intensitetin e kujdesit me një balsam ose maskë flokësh. Diferenca kryesore mes të dyjave është se, ndërsa balsami mund të përdoret pas çdo larjeje me shampo, maskat e flokëve janë projektuar për t'u përdorur më rrallë — zakonisht çdo javë ose çdo dy javë.
Përbërësit e tyre mund të përfshijnë lipide ose ceramide, për të mbushur zbrazëtirat në kutikulën e flokut, si dhe hidratues me përqendrim të lartë si vaji i xhoxhobës (jojoba) apo gjalpi karite (shea butter) për të rikthyer hidratimin e flokëve.
Balsami Essential Haircare MELU/ ka një formulë përforcuese që përmban ekstrakt të thirrës së zezë, një burim i polisakarideve bimore që ndihmojnë në mbrojtjen e flokëve nga këputja. Ai ushqen fijen e flokut duke reduktuar fërkimin dhe rezistencën që çojnë në këputje, me rezultat flokë më të fortë, më rezistentë, që mbeten të butë, me shkëlqim dhe më të lehtë për t'u menaxhuar.
Ajo që e bën balsamin MELU/ të ndryshëm nga shumë balsamë të tjerë kundër këputjes është veprimi i tij i shpejtë. Mjafton ta aplikoni, ta lini të veprojë për vetëm 30 sekonda dhe ta shpëlani — ideale për ditët kur jeni të ngarkuar me punë.
Trajtimet pa shpëlarje (leave-in) për flokët e dëmtuar
Përveç marrjes së masave për të riparuar flokët e dëmtuar, është e rëndësishme t'i mbroni ato nga stresi apo dëmtimet e mëtejshme në të ardhmen. Ekzistojnë lloje të ndryshme produktesh pa shpëlarje të projektuara për të forcuar dhe mbrojtur flokët.
Spraji Essential Haircare MELU/ është një produkt i lehtë pa shpëlarje që ofron një mburojë efektive si ndaj agjentëve dëmtues të përditshëm të mjedisit (si ndotja urbane), ashtu edhe ndaj stilimit me nxehtësi si tharja me tharëse, drejtimi apo kapja e kaçurrelave me mashë deri në 180°C.
Mbrojtësit ndaj nxehtësisë
Mbrojtja nga nxehtësia duhet të jetë një pjesë thelbësore e rutinës suaj të kujdesit për flokët nëse përdorni pajisje stilimi me nxehtësi, si tharëse, pjastër apo mashë për onde. Këto produkte janë projektuar për të krijuar një shtresë mbrojtëse të përkohshme dhe rezistente ndaj nxehtësisë mbi fijen e flokut, e cila ngadalëson transmetimin e nxehtësisë ekstreme nga pajisja e stilimit.
Spraji MELU/ është pikërisht një produkt që bën këtë, si dhe ofron një veprim zbutës e anti-statik, duke i lënë flokët të butë dhe plot shkëlqim.
Serumet e flokëve për shkëlqim dhe izolim (mbulljen e kutikulës)
Mungesa e shkëlqimit është një shenjë e qartë stresi ose dëmtimi, prandaj përdorimi i një serumi është një mënyrë e shkëlqyer për të përmbyllur regjimin tuaj të riparimit të flokëve duke izoluar kutikulën. Kjo e bën fijen e flokut më të lëmuar, gjë që pasqyron më mirë dritën dhe i bën flokët dukshëm më me shkëlqim.
Serumet ofrojnë gjithashtu një efekt mbrojtës të mëtejshëm, duke reduktuar fërkimin mes fijeve në mënyrë që flokët të ngatërrohen më pak, gjë që automatikisht do të thotë më pak krehje me furçë. Ata gjithashtu ulin humbjen e lagështisë natyrale dhe pengojnë flokun të thithë lagështirën nga ajri — e cila mund të shkaktonte fryrjen e fijes dhe të çonte në elektrizim.
Serumi Essential Haircare MELU/ është formuluar posaçërisht për të përmirësuar pamjen e majave të dyfishta (të çara) me 32.5% që pas përdorimit të parë, duke ndihmuar në lëmimin dhe izolimin e tyre dukshëm për një pamje më të shëndetshme dhe më të kuruar. Ai forcon majat e dobësuara dhe rrit shkëlqimin, butësinë si dhe lehtësinë në krehje, pa i rënduar flokët.
Zakone të mira për të mbrojtur flokët dhe për të parandaluar dëmtimin
Produktet janë vetëm gjysma e zgjidhjes kur bëhet fjalë për trajtimin e flokëve të stresuar — është gjithashtu e rëndësishme të krijoni zakone të shëndetshme që reduktojnë, parandalojnë ose mbrojnë nga dëmtimet e mëtejshme.
Për shembull, lajini flokët vetëm sa herë që kanë nevojë, mos i fshini me peshqir në mënyrë t'i fërkoni me forcë dhe, kur i thani, bëjeni këtë me sa më shumë kujdes.
Zgjidhni modele flokësh që reduktojnë tërheqjen — për shembull, shmangni kapjen e tyre shumë shtrënguar bisht — pritini majat rregullisht për të parandaluar që majat e çara të ngjiten më lart në fijen e flokut, dhe flini mbi këllëfë mëndafshi ose sateni për të minimizuar fërkimin dhe këputjen.
Më tej, kurdo që të jetë e mundur, shmangni nxehtësinë e tepërt. Përdorni ujë të ngrohtë dhe jo shumë të nxehtë kur laheni, lërini flokët të thahen vetë të paktën pjesërisht përpara se të përdorni tharësen, mbulojini me kapelë kur qëndroni në diell për periudha të gjata, si dhe lini hapësirë kohore mes lyerjeve apo trajtimeve kimike për t'i dhënë flokëve mjaftueshëm kohë për t'u rigjeneruar. Sigurohuni gjithashtu të pini ujë mjaftueshëm, për t'i hidratuar flokët dhe skalpin nga brenda.
Me setin e duhur të mbrojtjes — duke përfshirë trajtimet me cilësi të lartë për riparimin e flokëve, produktet mbrojtëse dhe zakonet e stilit të jetesës — ju mund të keni flokë të lëmuar dhe me shkëlqim gjatë gjithë vitit.
Nëse dëshironi këshilla të personalizuara që i përshtaten nevojave të flokëve tuaj, vizitoni salonin më të afërt Davines për të biseduar me një nga ekspertët tanë!